ازاي الطب الشرعي قدر يعرف وقت وفاة الضحية عن طريقة الجث.ة؟

في اي جريمة اول سؤال بيجي في دماغ المحقق هو "الضحية ماتت ازاي وامتى؟"

ازاي نقدر نعرف الضحية ماتت امتى من الطريق العلمي ونتعمق شوية في الطب الشرعي وعلم النفس الجنائي (بما اني شغوفة بيهم بقالي فترة)🤷🏼‍♀️

عشان نعرف مين المجرم لازم نعرف امتى حصلت الجريمة، وده الي بنعرفة من طريق الطب الشرعي.

العلم الي بيقدر يعرف معلومات مهمة وخطيرة من جثة الضحية.

وأيضاً علم النفس الجنائي له دور مهم جدا في معرفة المجرم ويحلل تصرفاته ولغة جسدة عشان يربط بين "امتى؟ ازاي ؟ لية؟"

*علامات بتظهر على الجثة بعد الوفاة:*

*• درجة حرارة الضحية*

في الطبيعي بعد الوفاء الجسم بيبأ يفقد حرارة ودي من الدلائل الي اي محقق هيحتجها خلال التحقيق.

جسم الانسان وهو على قيد الحياة غالبا 37 وتختلف بدرجات بسيطه جدا على حسب المكان والملابس وهكذا. بعد ما الشخص يتوفى درجة الحرارة بتقل 0.5 درجة مئوية كل نص ساعة.

مثال: لو شخص توفي وجينا نقيس حرارته ولقيناها 30 درجة حرارة ، هذا معناه انو توفى من 7 ساعات.

*• تيبس الجسم:*

بعد تقريبا ساعتين من الوفاة تبدأ تصلب العضلات وتبدأ من الوجه والعنق ثم بعد 12 ساعه يكون الجسم بأكملة يتصلب وده يعود لسبب أن الجسم بيبطل ينتج طاقة لأن التنفس الخلوي وقف، ثم بعد 36 يرجع الجسم يلين تاني لأن الأنسجة بتتحطم والأنسجة تبدأ تتهدم بسبب إنزيمات الجسم نفسه.

الإنزيمات دي بتفك الروابط اللي كانت مسببة التيبس فلما البروتينات اللي مسببة التصلب تتكسر العضلات ترجع تلين عشان الجسم بدأ يتحلل. ودي من عوامل معرفة زمان الوفاة.

*•تغير لون الجلد:*

بعد ما القلب بيقف لون الجلد بيتغير لبنفسجي أو احمر غامق من تحت لفوق .. ولو لمسنا الضحية ولقينا اللون اتغير ده معناه أن الوفاة معداش عليها اكتر من 12 ساعه.

*•التحلل:*

بعد 24 إلى 48 ساعه يبدأ الجسم يتحلل وتظهر روائح غريبة وانتفاخات وتختلف على حسب زمان الوفاة.

*•تواجد حشرات:*

الذباب مثلا بيبدأ يضع بيضه على الجثة بعد وقت محدد من الوفاة ومن نوع الحشرة ومرحلتها (بيض .. يرقة)

يقدر الطبيب يحدد الوقت بتفصيل كبير.

وفي النهاية، الطب الشرعي مش مجرد دكاترة بيكشفوا على الجثث ويدخلوا في قضايا، ده علم دقيق جدا يخلينا نقدر نعرف حجات كتير عن القضية من الضحية.

وعلم النفس الجنائي بيكملة.

وبنقدر نعرف تفاصيل مهمة وخطيرة جدا من خلال العلم.

بعد كل ده مش بس عرفنا معلومات في الطب الشرعي.. احنا كمان لاحظنا قدرة الخالق في خلق الانسان والخلايا وان كل حاجه في الجسم ماشية بنظام دقيق جدا.

{من أَيِّ شَيْءٍ خَلَقَهُ * مِنْ نُطْفَةٍ خَلَقَهُ فَقَدَّرَهُ} (سورة عبس 18,19)

بقلم / يارا محمد